Tokkies is as die top akademiese kwintiel-4 skool in die Dr. Kenneth Kaunda distrik gekroon.
Die toekenning is tydens die onlangse Dr. Kenneth Kaunda District Education Excellence Awards aan die skoolhoof, Mnr. Jakkie van Vuuren, oorhandig. Die Dr. Kenneth Kaunda distrik sluit skole in onder andere, Potchefstroom, Klerksdorp en Wolmaransstad in.
Jua Jonker, ‘n graad ses-leerder by Tokkies het ook die toekenning vir die beste prestasie in Afrikaans: Huistaal ontvang.
“Enige akademiese prestasie, al is dit in die hoërskool, begin eintlik daar by die graad R’e wat die grondslag lê. Al die onderwysers wat hulle kant bring met akademie verdien die erkenning. Baie geluk aan die onderwysers, en al die skole met hulle mooi prestasies. Een ding wat ons nooit moet verloor nie is ons standaarde, ongeag wat van die departement af kom,” het Tokkies se skoolhoof gesê.