Twee Baillies is tydens die Dr. Kenneth Kaunda Education Excellence Awards vereer.
Hierdie spoggerige byeenkoms, wat deur die LUR van Onderwys en ander lede van die Departement van Onderwys gelei is, het die toppresteerders in die distrik vereer. Xandre Baron het die toekenning vir die beste graad ses-leerder in natuurwetenskappe en tegnologie in die distrik vir 2024 ontvang.
Juf. Leandra Rootman het ‘n toekenning ontvang vir die beste graad ses Afrikaans Huistaal-onderwyseres in die distrik.
“Ons is ongelooflik trots op ons leerders en personeel wat hul merk maak en die naam van ons skool hoog hou,” het die skool in sy verklaring gesê.