Laerskool Bailliepark het op 1 Maart goud in boogskiet by die Lekwena interskole boogskietkompetisie gewen. Hulle het ook weggestap met ‘n paar individuele medaljes.

“Ons is trots om aan te kondig dat ons as laerskoolspan die algehele eerste plek behaal en die goud huis toe gebring het. Ons het ook ‘n paar individuele medaljes en ‘n pragtige 50 gekry! Baie geluk aan elke Baillies-boogskut vir julle harde werk en vir deelname aan hierdie wonderlike geleentheid,” het die skool in ‘n verklaring gesê.