‘n Vermeende dief, is gister, 13 Maart, omstreeks 12:15 op die Bult vasgetrek.

Volgens Christiaan Haefele, bedryfsbestuurder van Mooirivier Beskerming, het ee nvan hulle kliënte hulle gebel.

“Dit was in verband met ‘n selfoon wat weg was, nadat die verdagte op hulle perseel was. ‘n Beskrywing van die verdagte en voertuig is na alle eenhede gestuur,” het Haefele gesê.

Die voertuig is deur middel van die CID se kameras gesien, waarna reaksie eenhede daarin geslaag het om die voertuig te stop.

“Twee selfone, een wat geidentifiseer is as die een wat by die kliënt gesteel is die verdagte se besit gevind. Een verdagte is deur die polisie in hegtenis geneem,” het Haefele bevestig.