Laerskool Mooirivier spog met hulle nuut oorgedoende netbal- en tennisbane. Die fasiliteite is nou gereed vir aksie en het alreeds netbalwedstryde gehad om dit in te wy.

“Die tyd het aangebreek en ons nuwe netbal- en tennisbane is gereed vir aksie,’’ het die skool op sy Facebookblad te kenne gegee.

‘‘Ons is opgewonde om ons Tokkies op ons spogbane in aksie te sien. Baie dankie aan Trompie vir die dryf van hierdie projek oor die laaste twee maande. Een van die dae sal daar ‘n spesiale geleentheid wees vir die opening van ons nuwe netbal- en tennisbane.’’