Potch Volkies se nie-winsgewende organisasie, Volkie Vonk, het 15 Maart hulle gala aand by Snowflake gehou.
Die organisasie wil geld vir Hoër Volkskool Potchefstroom insamel sodat hulle verskeie maatskaplike en infrastruktuur projekte by die skool kan aanpak. Daar was 205 gaste wat deel van die gala aand was. Deur die gemeenskap se ondersteuning wil Volkie Vonk verseker dat daar ‘n tuiste is vir die volgende generasie Volkies om finansieel onafhanklik van die Departement van Onderwys te wees en om Volkies die voorste skool in die Noordwes te maak onder andere. Volgens Daleen de Beer, wat saam met Andries Huisamen die administrasie en bemarking behartig, is die organisasie se artikel 18A ook in Januarie goedgekeur.

Die bestuur van Volkie Vonk bestaan uit: Admin en bemarking – Daleen de Beer en Andries Huisamen; direkteure – Philip Tromp, Jaco Fouche, Danie van Vuuren; en ander partye – Franco Smit.
Om meer oor die inisiatief uit te vind, besoek die Volkie Vonk webtuiste by https://www.volkievonk.co.za/