‘n Boom het Maan dag, 24 Maart in Borcherdstraat, by die ingang van Cachet Park se parkering op die Bult op ‘n motor omgeval nadat dit deur weerlig raakgeslaan is.

Gelukkig was daar niemand tydens die voorval in die motor nie en geen beserings is aangemeld nie.

Maandagmiddag het ‘n reën- en donderbui Potchefstroom omsingel, toe die insident plaasgevind het.

Dit is net ‘n kragtige herinnering hoe onvoorspelbaar die natuur kan wees. Die toneel is vinnig deur Munisipaliteit en Noordwes Universiteit (NWU) onder beheer gebring en binne ure is die boom verwyder en kon verkeer weer na normaal toe terugkeer.