Hierdie spesiale dag word elke jaar wêreldwyd op 23 April gehou. Baillies se leerlinge – of, eerder, Baillies se storieboekkarakters – het die dag met kleur en fleur gevier. Dit was heerlik, en die leerlinge het omtrent kreatief aangetrek… Gouelokkies en Die Drie Bere én selfs Charlie (van die Sjokoladefabriek) het kom gesig wys. Leerlinge kon ‘n vrywillige donasie van R20 per kind skool toe te bring om fondse vir die mediasentrum in te samel. Die leerlinge en onderwysers moes ‘n seun en dogter aanwys wat volgens hulle die beste aangetrek het. Die wenners in elke graad het met hul uitrustings op die verhoog in die skoolsaal gepronk!

Die skool se kunsjuffrou, Marili, het die moeilike taak gehad om wenners in elke graad aan te wys. Natuurlik was elke leerling op die ou end ‘n wenner.