Potchefstroom Gimnasium het vir die sesde keer die hoogste eer ontvang toe die Departement van Onderwys die skool as die beste kwintiel 4-skool in Suid-Afrika aangewys het.

Die toekenning dien as ’n bewys van die skool se volgehoue akademiese uitnemendheid en die toewyding van onderwysers, leerders en die groter gemeenskap.

In ’n verklaring het die skool sy dankbaarheid uitgespreek teenoor almal wat tot die prestasie bygedra het: “Ons sê dankie aan die matrieks van 2024, die onderwysers, ouers en die hele gemeenskap wat saam met ons hierdie mylpaal bereik het. Hierdie toekenning is vir ons groot genade en ’n voorreg.”