Student wen gesogte ontwerp-prys by modeparade
Op 23 Julie het studente in Verbruikerswetenskappe van die NWU-Pukke hul jaarlikse modeparade by die Snowflake-gebou gehou.
Op 23 Julie het studente in Verbruikerswetenskappe van die NWU-Pukke hul jaarlikse modeparade by die Snowflake-gebou gehou.
Simoné le Roux, ‘n B.Sc. Verbruikerswetenskappe student in haar derde jaar, het tydens die modeparade die Kobus Rautenbach Couture gunstelingsontwerp-prys gewen.
Sy het onder andere ‘n “backstage pass” na een van Rautenbach, ‘n bekende mode-ontwerper se modevertonings gewen en ‘n geskenkbewys van R2 000.
Die tema van die modeparade was Urban, met drie kategorieë.
Rautenbach, Carike Brits (tans besig met haar honneurs in B.Sc. Verbruikerswetenskappe en Maryke van Heerden van die Herald was die beoordelaars.
“Ek was regtig verbaas met die uitrustings wat die meisies ontwerp het en self gemaak het,” sê Brits.
“Studente werk aan hul ontwerpe in hul vrye tyd en het min tot geen hulp van die dosente – net nog ‘n rede waarom ek so ongelooflik verras was met die gehalte en kreatiwiteit wat gesien is in hul werk,” het Brits gesê.
