“My kinders is baie hartseer. Die honde was hulle vriende.”
So sê me. Elmarie Engles oor hul honde wat vergiftig is.
Maar daar is wel lig aan die einde van die tonnel vir die Engles-gesin. Dash, ’n staffie/worshond-kruising, is die enigste van hul drie honde wat dit oorleef het. Volgens Engles het hulle op 20 Oktober omstreeks 07:15 buite toe gegaan waar hulle vir Diesel, ’n labrador en Pepsi, ’n jack russel, dood aangetref het. Dash was besig om te braak. Elmarie het met haar na Bult Dierekliniek gejaag, waar sy aarvoeding gekry het.
“Ons is heeltemal platgeslaan, die honde was ons vriende,” sê sy.
Dash het vir sowat ‘n week aarvoeding gekry, voordat sy huis toe kon gaan. CB Security, Sharon Pyburn, die polisie en die DBV het almal baie gehelp,” het Engles gesê.
* Daar is onlangs in die Herald berig oor nege honde wat in die Miederpark-omgewing vergiftig is. Kapt. Mvula Chaka, polisiewoordvoerder, sê daar is nog geen inbrake gerapporteer waar honde vergiftig is nie. Hy waarsku egter steeds dat mense wie se honde vergiftig is, baie versigtig moet wees.
