‘n Man is kort voor 01:00 vanoggend (30 Mei) by ‘n kompleks in Steve Bikostraat in hegtenis geneem.
Dit nadat Mooirivier beskerming op die CCTV kameras die verdagte man opgemerk het terwyl hy by ‘n motor probeer inbreek. Reaksiebeamptes is ontbied waarna Mooirivier beskerming die man gevang het nadat hy die motor se venster gebreek het.
Die SAPD is ontbied wie die man in hegtenis geneem het. Volgens Kapt. Mvula Chaka, polisiewoordvoerder, is daar tans ‘n groot probleem rondom inbrake en diefsal in die Bult area. Die SAPD het ekstra patrollies in die area gesit maar Chaka maan alle inwoners om aan te hou versigtig wees.
“Probeer om nie besittings soos, selfone, skootrekenaars of kameras in voertuie te los of naby oop vensters in huise nie. Enige verdagte optrede kan aan die polisie se radiobeheerkamer gestuur word, deur (018) 299 7477 te skakel,” het hy gesê.
