Ses vroue is beseer tydens ‘n kop-aankop botsing op die N12, Johannesburg rigting omstreeks 08:00 vanoggend (13 Junie)

Volgens ‘n verklaring van ER24, het die botsing omtrent 15km van Potchefstroom af gebeur.

ER24, IMR sowel as Netcare 911 was op die toneel om die pasiënte te behandel. Die voertuie is langs die pad gevind toe paramedici op die toneel aangekom het.

“Die vroue wat na bewering tussen die ouderdomme van 19 en 37 is het klein tot matige beserings opgedoen,” het Chitra Bodasing, ER24 woordvoerder gesê.

Hulle is deur die verskeie ambulansdienste na Medi-Clinic Potchefstroom en Potcheftroom Hospitaal geneem vir verdere behandeling. Die verkeer en polisie was op die toneel om verdere ondersoek in te stel.