‘n Man is vanmiddag (24 Mei) omstreeks 15:00 beseer nadat hy op die hoek van Walter Sisulu- en Grimbeekweg met sy bromponie met ‘n ander voertuig gebots het.
Met aankoms het ER24-paramedici die bromponie en voertuig langs die kant van die pad gevind. Die bestuurder van die bromponie, het agter op ‘n bakkie gesit.
Daar is bevind dat hy ‘n ernstige besering aan sy been opgedoen het, sowel as skuurmerke oor sy lyf.
Hy is behandel waarna hy na Potchefstroom Hospitaal geneem is vir verdere behandeling.
Die bestuurder van die voertuig het gelukkig net klein beserings opgedoen maar wou nie hospitaal toe geneem word nie.
Plaaslike owerhede was op die toneel vir verdere ondersoek.