ʼn Trekker en ʼn Bakkie het vanoggend omstreeks 08:45 ongeveer 13km op die Paryspad uit met mekaar gebots.
Paramedici van ER24 het op die toneel gekom waar hulle die beseerde bakkie bestuurder gevind het. Die bestuurder van die trekker was na wat beweer word, nie meer op die toneel nie. Hy het wel kort daarna terug gekeer na die toneel toe, hy het glo by ʼn naby geleë plaas gaan hulp soek.
Meer ongelukke
Gesin glo uitgewis in gru-ongeluk
Twee kritiek na ongeluk op N12
Man dood na N12 ongeluk
Die bestuurder van die bakkie het matige beserings opgedoen waarna hy per ambulans hospitaal toe geneem is.
Verkeer op die pad was vir ʼn kort rukkie vertraag gewees terwyl dit skoon gemaak word. Die presiese oorsaak van die ongeluk is nog onbekend, maar verkeersbeamptes en polisie was op die toneel gewees om verder ondersoek in te stel.
Die Herald het al oor menigte ongelukke wat net vanjaar plaas gevind het berig. Meeste van die ongelukke vind op die N12 plaas.
Nog ongelukke
Twee kinders dood na N12 ongeluk
Ma geskok na ongeluk met koedoe
