Vier mans is vandag in die hooggeregshof, wat in Klerksdorp sit, elk tot vier keer lewenslank tronkstraf gevonnis.

Dit volg nadat die vier mans, wat deel van die ‘Dog for Money’ bende is, ‘n ma en haar drie dogters voor haar seuns in Jouberton verkrag het.

Een van die verkragtingslagoffers is ‘n ses jarige kind.

Die verdagtes het die familie met messe gedreig, nadat hulle die ma en dogters verkrag het, het hulle ongeveer R6000 se goedere gesteel.

Volgens Kol. Sabata Mokgwabone, polisiewoordvoerder, is die verdagtes tussen die ouderdomme van 20 en 30. Hulle identiteit mag nie bekend gemaak word nie om die slagoffers te beskerm.

ʼn Vyfde verdagte wat nie aan die verkragting deel geneem het nie is na 22 jaar tronkstraf gevonnis vir huisroof.