Tydens ‘n vergadering van die JB Marks burgemeesterskomitee en senior bestuurslede van die NWU, het die NWU die titelakte van ‘n stuk grond wat vroeër deur die PUK Ontwikkelingstrust (MSW) aan die munisipaliteit geskenk is, oorhandig.

Die titelakte is eers in April vanjaar geregistreer. Die 3,0590 hektaar ter waarde van R5 miljoen, volgens die munisipale waardasie van 2016, is geskenk om die munisipaliteit te help om die aanloopbaan van die plaaslike lughawe te verleng met die oog op die 2010-FIFA-Wêreldbeker.
Die simboliese oorhandiging van die oorspronklike titelakte van oordrag is deur die Noordwes-Universiteit se uitvoerende direkteur finansies en fasiliteite, me. Elmarie de Beer, gedoen. Die uitvoerende burgemeester, rdl. Kgotso Khumalo, het die skenking namens die stadsraad aanvaar.