’n Vrou is vroeg Saterdagoggend (8 Desember) in haar huis in ’n sekuriteitskompleks in Grimbeekpark deur gewapende mans vasgemaak en beroof.
Die vrou het omstreeks 22:00 die vorige aand gaan slaap. Omstreeks 02:15 Saterdagoggend is sy deur dié rowers wakker gemaak.
Die rowers het geld en vuurwapens geëis, terwyl een van hulle ’n vuurwapen op haar gerig het. Sy is daarna glo met ‘n gordel vasgemaak en hulle het haar motor se sleutels geëis.
Hulle het ook haar selfoon gevat en die huis deursoek. Die rowers het met haar Mercedes Benz motor, LG televisie, trouring, juweliersware, skootrekenaar, selfone en ander items gevlug.
Die polisie ondersoek ’n saak van huisroof.
At Caxton, we employ humans to generate daily fresh news, not AI intervention. Happy reading!
