Potch skole is eerste en tweede beste in die land
Twee van Potchefstroom se top skole Potchefstroom Gimnasium en die High School for Girls Potchefstroom is weer aangewys as die top kwintiel-4 skole in Suid-Afrika. Die minister van die Departement van Onderwys, Angie Motshekga het die afgelope week vir Gimmies met die eerste plek in hierdie kategorie beloon met Girls High wat die tweede plek …
Twee van Potchefstroom se top skole Potchefstroom Gimnasium en die High School for Girls Potchefstroom is weer aangewys as die top kwintiel-4 skole in Suid-Afrika.
Die minister van die Departement van Onderwys, Angie Motshekga het die afgelope week vir Gimmies met die eerste plek in hierdie kategorie beloon met Girls High wat die tweede plek verkry het. Hoërskool Rustenburg was derde om ‘n voltallige Noordwes-podium vol te maak.
Dit is ‘n uitsondere prestasie veral dat altwee skole in dieselfde provinsie, distrik en dorp is.
“Ons bars behoorlik van trots oor dié puik prestasie!,” het Potchefstroom Gimnasium op hulle Facebookblad genoem.
Girls High het ook op sosiale media hierdie spogprestasie gedeel: “Girls High behaal tweede plek vir die derde jaar in ‘n ry in dieselfde kategorie. Nie sleg vir ‘n klein dorp in die Noordwes nie!”
Lees meer hieroor in komende week (21 Maart) se Potchefstroom Herald.
