‘Mens is nooit te oud om te begin oefen nie’

“’n Mens is nooit te oud om te begin oefen nie”, sê Stéan Naudé wat saam met Richard Rex jonk en oud inspireer om meer aktief te wees. Dié vriendelike biokinetici werk nie net met jong atlete wat sportbeserings opdoen of sportprestasie wil verbeter nie, maar is ook betrokke by ouer inwoners van die Potchefstroom Dienssentrum en De Land inwoners. “Dit is belangrik dat ouer mense steeds aandag gee aan spesifieke uitdagings soos verswakte spiere om bewegingsbeperkings te voorkom. Oefening kan help dat ouer mense vir langer alledaagse aktiwiteite met gemak kan uitvoer”, sê Richard.

Rex Naudé Biokineticists is ‘n stylvolle, volledig toegeruste biokinetika praktyk waar Richard en Stéan oefening op ‘n wetenskaplike manier gebruik om pasiënte van alle ouderdomme voor of na ‘n operasie en of besering te versterk. Met die regte oefening kan hulle ook help om kroniese kondisies soos diabetes, hoë cholesterol en hoë bloeddruk by kliënte te voorkom en behandel.

Terapie vir ouer mense sluit balansoefening in om die risiko van val te verminder en weerstandoefeninge om spiere te versterk en beendigdheid te bevorder. Individuele oefenprogramme word geskryf vir persone met hartkwale, diabetes of neurologiese uitdagings soos bv. Parkinsons en beroerte. Hulle reabiliteer ook pasiënte wat aan chroniese siektes soos kardiovaskulere siektes, niersiekte, hoë cholestorol en hoë bloeddruk ly.

Terapie vir sportlui sluit spesifieke oefeninge in om spier-, ligament-, tendon- en enige ander sportbeserings te herstel. Sommige gewrig en spierpyne kom voor sonder dat n spesifieke besering plaasgevind het. Biokinetici ondersoek verkeerde postuur, bewegingpatrone en alledaagse bydraende faktore wat kan lei tot die ontwikkeling van byvoorbeeld knie-, skouer-, nek- of rugpyn.

Stéan en Richard het beide in 2017 hulle honneursgraad in biokinetika voltooi en praktiseer sedert 2020 in Potchefstroom. Hulle is op hoogte van die nuutste tegnologie en gebruik neuromuskulêre elektriese stimulasie om by van hul pasiënte spieraktivering te bevorder en atrofie te voorkom, spierspasmas te verslap en bloedsomloop te verhoog.

Hulle werk individuele oefenprogramme uit wat kliënte se unieke behoeftes aanspreek. Hulle is ook aanpasbaar om besoeke aan pasiënte se huise te bring. Vir enige navrae, skakel gerus 083 661 7750 of stuur ‘n epos aan rex.naude.bio@gmail.com.