Die soektog na ‘n vermiste vrou van Barberton, Karen Botma (38), duur voort na dit in die lig gekom het dat haar motor nie soos voorheen gekommunikeer is, in Brits op Saterdag, 6 November gevind is nie.
Barend van den Heever van Valke Sekuriteit noem dat daar ‘n vemoede was dat dit Botma se voertuig in Brits was, maar hy bevestig dat dit nie haar voertuig is nie en dat die soektog steeds voortduur.
Botma is verlede week Dinsdag, 2 November as vermis aangemeld by die Barberton SAPD.
Haar voertuig is laas week, Woensdag, 3 November op die R53 tussen Potchefstroom en Ventersdorp op die NAVIC-sisteem waargeneem en sodoende was die kanse goed dat die voertuig in die Noordwes en omliggende areas was.
Sy bestuur ‘n rooi Toyota Etios Cross met die registrasienommer, JKD 189 MP.
Enigeiemand met bykomende inligting kan vir Barend van den Heever van Valke Sekuriteit by 071 533 1095 of die Barberton SAPD by 013 712 2233 skakel.
