Noodkragonderbreking Sondag in Potchefstroom

Groot dele van Potchefstroom sal Sondag, 14 November van 8:00 tot 16:00 sonder krag wees as gevolg van noodherstelwerk aan die kragnetwerk.

Tegniese dienste van die JB Marks munisipaliteit het bevestig dat Eskom beplan om aan onwettige kragverbindings en ernstige olielekke wat by transformators voorkom, te werk.

Die areas wat Sondag sonder krag sal wees is:

• Ikageng en uitbreidings
• Mohadin
• Promosa
• Bailliepark
• Grimbeeckpark
• Van der Hoff Park
• Vyfhoek
• Mooivallei
• Sanitas
• Bult
• Tuscany ridge
• Waterberry
• Mooivalleipark

Inwoners word versoek om alle elektriese toestelle gedurende hierdie tydperk af te skakel aangesien die krag enige tyd tussen 8:00 – 16:00 weer aangeskakel kan word.