“Ons moet beplan om op die medium en lang termyn in die Curriebeker premier afdeling te speel en kompeterend te wees,” So het Mervyn Taylor, President van die Luiperds Rugbyunie, tydens sy presidensiele verslag, Donderdagaand (2 Desember) by die unie se algemene jaar vergadering gesê. Taylor het tydens sy verlag die personeel van die Luiperds vir hulle harde werk tydens ‘n baie moeilike jaar bedank. Administratiewe sake is hanteer en die verskeie portefeuljes se jaarverslae is ingedien. Alhoewel dit ‘n moeilike jaar was, het die unie deur deeglike beplanning hulle Klubligas voltooi en al hulle finansiële verpligtinge na kom. Erekleure is aan Jakkie Cilliers, vroue Springbok en Joe Panther, President van die Hurricanes Rugbyklub in Stilfontein oorhandig.