Gistermiddag se reënbui in Potchefstroom het inwoners behoorlik onkant getrap met die hoeveelheid reën (ongeveer 90-100mm) wat sekere gedeeltes van die dorp met water deurdrenk het.

Weervoorspellings het aangedui dat daar ongveer 0.9mm reënval voorspel was, maar toe pak die wolke saam op skouspelagtige wyse.

Potchefstromers het gister (2 Januarie) en vandag (3 Januarie) foto’s op sosiale media gedeel rondom die groot hoeveelheid reënwater wat in erwe en op die paaie gevloei het.

Terwyl sekere dele in Potch effens minder reën as ander gekry het, was daar groter skade aan huise in Promosa en Ikageng, met die kans dat huise eers ontruim moet word na die waterskade.

Kyk die foto’s hier: