Die ma van ‘n tweejarige seun moes vinnig dink nadat haar kind per ongeluk in die motor toe gesluit is.

Volgens Christiaan Haefele, Bedryfsbestuurder van Mooirivier Beskerming, het die ma gister (17 Januarie) omstreeks 16:00 die sekuriteitsmaatskappy om hulp gekontak.

“Die Mooirivier reaksiespan het haar bygestaan, waarna ‘n plaaslike slotmaker die motor oop gesluit het,” het hy gesê.

Die kleuter is ongedeerd.

“ER24 was ook op die toneel vir ingeval enige mediese hulp nodig sou wees. Gelukkig het die ma kop gehou en vinnig gedink om sodoende die nodige hulp te vra,” het Haefele gesê.