Jaco Steyn, die bestuurder van Supanet in Potchefstroom, is besig met ‘n inisiatief om besighede uit te daag om slaggate in Potchefstroom en die omliggende areas reg te maak.
Steyn en sy span het Saterdag, 29 Januarie ‘n groot slaggat met ‘n koue teermengsel gevul. 
Met al die slaggate in Potchefstroom voel Steyn dat die gemeenskap moet saamstaan en ‘n plan maak om die situasie te verander. Steyn noem dat hy hierdie gate uit eie sak wil herstel om ‘n diens aan die gemeenskap te lewer.
Hy vertel ook dat hy persoonlik besighede/lede van die gemeenskap sal gelukwens as hulle die inisiatief neem en ook slaggate herstel.
“Dit is belangrik om ons deel vir die gemeenskap te doen en daar is reeds groot sukses in Klerksdorp en Stilfontein behaal waar daar oor naweke meer as 100 slaggate gevul word.
“Ek sal self ook besighede help met ‘n bydrae vir die toerusting en produkte om die slaggat te vul,” noem hy. Vir meer inligting kan Jaco by 076 208 5912 gekontak word.
