Twee beseer in kop-aan-kop ongeluk

Daar was vroeg vanoggend, Vrydag 24 Junie, omstreeks 06:40 ‘n kop-aan-kop botsing op die Carletonville-pad (R501) ongeveer 19km buite Potchefstroom.

Volgens Mooirivier Beskerming First Responder, het twee voertuie teen mekaar gebots waarna twee persone veelvuldige beserings opgedoen het.

Russel Meiring, ER24 woordvoerder, noem dat paramedici ‘n vrou gevind het wat in een motor vasgekeer gelê het terwyl ‘n man in die ander gesit het. Paramedici het die pasiënte beoordeel en bevind dat die vrou in ‘n kritieke toestand was terwyl die man ernstige beserings opgedoen het.

Albei insittendes is na Mediclinic Potchefstroom vervoer.

Mooirivier First Responder, ER24, brandweer en staatsambulans was op die toneel.