Valke arresteer sakeman en sy vrou
Ben Otto word daarvan verdink dat hy glo met sy onderneming, RSA Search, oor die 150 mense met miljoene rande ingedoen het.
Die Valke het vanoggend (Woensdag, 21 September) die Potchefstroomse sakeman, Ben Otto en sy vrou, Hannetjie, in hegtenis geneem.
Otto, sy vrou Hannetjie en hul prokureur, Johan le Grange is vanoggend in die landdroshof in Potchefstroom. Hulle sal verwagting Woensdag aansoek om borgtog te doen.
Otto word daarvan verdink dat hy glo met sy onderneming, RSA Search, oor die 150 mense met miljoene rande ingedoen het. Daar is in Desember 2021 ‘n groepsgeding klagte teen Otto by die Valke ingedien.
Otto se maatskappy, RSA Search, was ‘n soekenjin vir verblyf en is in Junie 2020 gelikwideer. Hy word daarvan beskuldig dat hy ‘n piramideskema bedryf het, maar volgens hom is dit nie waar nie.
Otto het in 2020 aan die Herald genoem dat sy onderneming, RSA Search, gelikwideer is weens die staat van inperking wat erge gevolge vir sy besigheid gehad het.
