Elizabeth Magdalena Uys, beter bekend as Bessie, was ‘n geliefde inwoner van Potchefstroom wat vir haar diensbaarheid bekend was. Sy is gebore op 22 Maart 1931 en oorlede op 30 September 2022.
Bessie (91) was ‘n dienaar van haar gemeenskap en het by Groen Wilgers Aftreeoord gewoon. Sy het ‘n merkwaardige impak by Groen Wilgers gehad en was ook deel van die bestuur. Sy het ‘n passie vir mense gehad en daarvan gehou om ‘n verskil in ander se lewens te maak. Sy en tannie Fien Tiedt (wat onlangs 103 geword het) was ook goeie vriendinne.

Sy was ook baie betrokke by die NG Kerk Moedergemeente in Potchefstroom. Sy het voor haar aftrede as ontvangsdame gewerk.
Sy word deur twee kinders, vier kleinkinders en een agterkleinkind oorleef.