Daar is vanoggend op ‘n lyk van ‘n pasgebore babaseuntjie in ‘n swartsak op die hoek van Dwars en Meyer-strate afgekom.

‘n Asblikgrawer het glo die lyk in ‘n swartsak teen ongeveer 07:30 gevind.

Mooirivier Beskerming, ER24 en die SAPD was op die toneel.

Volgens Noordwes polisiewoordvoerder, Col. Amanda Funani, is ‘n saak van verberging van geboorte oopgemaak.

“’n Skoonmaker het vullis by ‘n woonkompleks uitgehaal. ’n Man wat die skoonmaker gesien het toe sy die vullis weggooi, het verder gaan kyk omdat hy ‘n ekstra sak gesien het. Hy het die sak uitgehaal omdat hy dit wou gebruik. Toe hy die sak oopmaak, het hy die lyk van die pasgeborene gekry,” noem Funani.

Volgens haar is daar nog geen arrestasies gemaak nie.