Potchefstroom Animal Welfare Society (PAWS) het ‘n dringende tekort aan honde en katkos vir hulle viervoetige inwoners.
Hierdie winter gaan sake veral moeilik met hokke wat vol honde en katte is wie se honger magies gevul moet word.

Foto’s: Wouter Pienaar

Volgens Michelle Swart, een van die inspekteurs by PAWS, is daar ongeveer 248 honde en 150 katte wat kos daagliks benodig.
“Ons het ‘n dringende nood en ons is dankbaar vir die gemeenskap wat alreeds ondersteun waar hulle kan. Ons kosvooraad is baie laag,” noem sy.

Nat en droë honde-en katkos kan by PAWS afgelaai word of alternatiewelik sal PAWS ook self die kos kan kom oplaai.
Buiten honde en katkos kan die gemeenskap ook rys, gevriesde hoender en lewer skenk wat dan as aanvullings ook gebruik word vir die diere se maaltye.
Tesame met kos is daar ‘n nood vir komberse en beddegoed vir diere sodat hulle warm kan bly in die winter.
Die gemeenskap kan ook ‘n skenking na PAWS se rekening maak.
Nedbank
Tjekrekening:
Rekeningnommer: 1120 758 521
Tak: Potchefstroom
Taknommer: 198 765