Die Noordwes-Universiteit (NWU) het op Maandag, 7 Augustus weer kontakklasse hervat nadat daar aansienlike vordering gemaak is groot uitstaande kwessies met NSFAS en die diensverskaffer Norraco aan te spreek.

Hierdie kwessies handel oor probleme rakende die uitbetalings van NSFAS-fondse aan studente. Die universiteit het op Maandag, 1 Augustus aan belanghebbendes uitgestuur dat die daar geen kontakklasse sal plaasvind nie, sodat die veiligheid van studente en personeel eers vasgestel kon word, te midde van moontlike betogings.

NWU woordvoerder, Louis Jacobs, het gestaaf dat meeste van die geaffekteerde NWU studente hul broodnodige toelaes ontvang het.

“Ons doen ‘n beroep op studente wat steeds probleme met hul toelaes ondervind om dringend na die Norraco-agente wat by ons kampusse gestasioneer is, te gaan. Ons bly daartoe verbind om voort te gaan om met NSFAS en Norraco in gesprek te tree rakende uitstaande kwessies en om enige potensiële probleme en uitdagings aan te spreek,” noem Jacobs.

Die NWU het ook beklemtoon dat die suksesvolle voltooiing van die akademiese programme van uiterse belang is.

“Ons doen ook ‘n beroep op studente wat dalk opdragte of toetse gemis het weens die tydelike maatreël van aanlyn onderrig-leer-modus om die betrokke dosente as prioriteit te kontak.”