Rudi Strydom, wat bekend was in Potchefstroom as musikant , se lewe is nie net Saterdag nagedenk nie, maar gevier.

Soos op sy begrafniskennisgewing geskryf staan: “Hy het sy storie oor verhoë gesing, wilde skoonheid deur ‘n lens vasgevang en geleef vir ware konneksie. Of hy nou op ‘n fiets, in die bos, agter ‘n kamera of kitaar was – hy was onbeskaamd homself”

Familie, vriende en kennise het almal Saterdag, 12 Julie by Lekwena bymekaar gekom waar hulle afskeid van Rudi kon neem. Daarna het almal by Meraki at Dia Bêbado’s bymekaar gekom waar Rudi se lewe behoorlik gevier is. Menige mense het die verhoog betree en ter eer van Rudi opgetree. Liefdevolle herinneringe is oor ‘n drankies bespreek. Die atmosfeer was een van hartseer, maar ook van ‘n lewe voluit geleef.