‘n Man is Saterdag, 30 Augustus op die Bult op heterdaad betrap terwyl hy by ‘n voertuig ingebreek het.

Leandro de Beer, bestuurder van die Cachet Park Verbeteringsdistrik, sê beamptes van Mooirivier Beskerming, in samewerking met die Cachet Park CID NPC Potchefstroom, het ‘n verdagte omstreeks 19:15 in Joostestraat aangekeer.

“Die individu is betrap terwyl hy in ‘n voertuig ingebreek het en is onmiddellik in hegtenis geneem. Die vinnige reaksie beklemtoon die voortgesette toewyding van beide Mooirivier Beskerming en die Cachet Park CID om die veiligheid en sekuriteit van die gemeenskap te verseker.”