Die betrokkenheid van kinders in die protesaksies het kommer by plaaslike gemeenskapslede en owerhede ontlok. “Om te sien dat meer kinders die protes aksie gely het as grootmense, het uiteraard ‘n kommer gebring dat dringende intervensie moet toegespits word,” het Fransman laastens gesê. Daar is ‘n dringende behoefte aan intervensie en ondersteuning om te verseker dat kinders nie in sulke gevaarlike situasies beland nie en om te werk aan die herstelling van orde en stabiliteit in die gebied.

“Die polisie wil herhaal dat misdadigheid nie geduld sal word nie en dat diegene wat misdaad pleeg, swaar gestraf sal word,” het Mokgwabone gesê. Volgens hom is die polisie steeds besig om inligting rondom verskeie ander winkels wat Promosa geplunder is in te samel. “Die uitdaging is dat die winkel eienaars wat meestal buitelanders is, huiwerig is om verkalrings te gee,” het Mokgwabone gesê. Hy het eienaars gemaan om verklarings af te lê sodat die polisie kan beter ondersoek instel.