Die Luiperds is na Saterdag se oorwinning van 42-19 in Kemptonpark oor die Valke nou onteenseglik die Konings van die Eersteliga.

Die Luiperds het ses doele aangeteken en hul Namibiese invoerproduk Johan Deysel het weer sy merk gemaak en sy 50-tal in net drie wedstryde aangeteken wat die keer vyf doelskoppe en ‘n drie insluit.

Die Luiperds se driekwarte het fees gevier en voor mens kon sê Luiperds het die nuwe losskakel Gene Willemse twee keer gedruk om sy totaal in vier wedstryde tot ses op te skuif.

Deysel se sentermaat Juffrou Vermeulen en die vleuel Bradley Moolman het ook gedruk om die driekwarte se drieëtotaal in die wedstryd op vyf te staan te bring.

Die losvoorspeler HP Swart, wie van die bank begin het, het ook sy sesde drie van die veldtog gedruk.

Die Luiperds spog nou met volpunte na vier wedstryde in die kompetisie.

 Punte:

Luiperds: Drieë: Gene Willemse (2), HP Swart, Juffrou Vermeulen, Bradley Moolman, Johan Deysel. Doelskoppe: Deysel (5), Johnny Welthagen.

Valke: Drieë: Andries Schutte, Johan Pretorius, Xander Cronjé. Doelskoppe: Karlo Aspeling (2).