Op 1 April het Theuns Naudé en Carmen Meyer die Pukke meesters by die Gauteng-Noord meestersbyeenkoms verteenwoordig.
Theuns (meesters 70) het goud behaal in gewigstoot en werpskyf. Carmen (veterane 45) het brons in die 400 meter behaal.

Dié twee meestersatlete tesame met ‘n paar ander Sentraal-Noordwes meesters gaan op Saterdag 8 April in Germiston aan die Sentraal-Gauteng byeenkoms deelneem.

Atletiek Sentraal Noordwes het ‘n meestersliggaam gestig en wil atlete werf en aanmoedig om saam met hulle die sport te kom geniet. Belangstellendes wat 35 jaar en ouer is, is welkom om deel te word van hulle span.
Vir nadere besonderhede kan die sekretaresse, Carmen Meyer by 078 563 5858 gekontak word.