Gedurende die afgelope SA Skole Swemkampioenskappe wat in Polokwane gehou is, het die volgende swemmers van Potchefstroomse skole hulle merk gemaak:
Bianca Opperman van The High School for Girls het een goud, een silwer en drie brons, Idéle du Toit van Hoër Volkskool Potchefstroom het een goud, drie silwer en ‘n vyfde plek losgeswem. William Stephen Slaughter van Gimmies het ‘n vyfde, twee sesdes en ‘n agtste posisie, Theo Ferreira van Gimmies het ‘n sesde, twee sewendes en ‘n negende en Nina Slaughter van Laerskool Mooirivier ‘n vyfde en agtiende posisie verkry.