‘n Jong opkomende skopbokser van KFA Kickboxing Potchefstroom het einde verlede maand naam gemaak met ‘n groot oorwinning.

Heinrich Schutte het op Saterdag 29 Julie die o.71 kilogram volle kontak Super-Amateur-titel gewen met ’n uitklophou in die derde ronde. Dit was tydens ’n Fight Night, waar Suid-Afrika teen Kanada baklei het. Suid-Afrika het agt  van die 11 gevegte gewen. Algeheel het KFA Kickboxing Potchefstroom 12 Suid-Afrikaanse-, drie internasionale- en nou die Super-Amateur kampioen ook opgelei.

Vir nadere besonderhede kontak Sensei Johan van der Schyff by 082 853 4824.