Gimmies se uitstaande jong bergfietsryer het die afgelope SA Cup XCO-seisoen van sy beste vorm nog op sy fiets bewys met ‘n algehele eerste plek na vyf wedrenne. Roets het net een rondte gemis in April toe hy ‘n kruisligament-besering opgedoen het.

Hy het twee eerste plekke, een tweede plek en ‘n vyfde plek behaal. Hierdie uitslae was genoeg om vir hom die algehele titel te besorg.

Roets het sy goeie XCO-reeks op ‘n hoë noot afgesluit toe hy op 19 Junie ‘n eerste plek by die laaste SA Cup XCO byeenkoms in Bloemfontein behaal het.

Volgende op Roets se horison is die SA kampioenskappe wat in Julie plaasvind. Die kanse is wel groot dat dié kampioenskappe uitgestel sal word weens die stygende Covid-19 syfers en skuif na vlak 4 inperking.