Ferdies-skuts het die afgelope jaar weer soos in die verlede uitstekend presteer. Die skuts is tydens die jaarlikse prysuitdeling vereer vir hulle toewyding en individuele prestasies.
Arno Combrinck en Bets van der Vyver is bedank vir hulle onbaatsugtige diens en betrokkenheid die afgelope 4 jaar. Arno het die skyfskiet 4 jaar gelede aan die gang gekry en Bets speel ‘n baie groot rol in die skuts se afrigting.
Noordwes Proewe en Noordwes Span
By die onlangse Noordwes Proewe was Marno Colyn algeheel 2de in die o.16 groep, hy het ook die hoogste telling vir die 3P Staan Dissipline, en die 10M Seuns behaal. Matthew Edwards het die hoogste telling vir die o.21 10M Seuns behaal Zack Fritz is as die o.21 Senior Opkomende Skut aangewys.
Ses van Ferdies se skuts is na afloop van die Noordwes proewe in die Noordwes span opgeneem wat die naweek van 10 en 11 September aan die Suid Afrikaanse Kampioenskappe deelgeneem het.
Al ses hulle skuts is onder die Top 15 Noordwes skuts. Ferdies se Noordwes skuts is Matthew Edwards, Hanno van Wyk, Bruce Fritz, Richter Jansen van Vuuren, Hanro Brits en Marno Colyn
Voor: Matthew Edwards en Hanro Brits. Agter: Hanno van Wyk, Bruce Fritz, Richter Jansen van Vuuren en Marno Colyn
Ferdies Skyfskietbekers, -medaljes en -sertifikate (2021)
Arno Combrinck – Onbaatsugtige diens -Skyfskiet
Bets van der Vyver – Toegewyde Skyfskiet Afrigting
Matthew Edwards: Beste Senior Skut
Marno Colyn: Beste Junior Skut
Wian Meyer: Beste Vordering Beginner Skut
Xantus Tredoux: Uitstekende Vordering Beginner Skut
Marno Colyn: Beste Vordering Junior Skut
Hanno van Wyk: Beste Vordering Senior Skut
Hanro Brits: Uitstekende Vordering Senior Skut
Richter Jansen van Vuuren: Getroue bywoning van oefeninge 
