Die twee- en driekampligas van die Noordwes is weer volstoom aan die gang, met Ferdies se atlete wat die pas aangee.

In die derde ligabyeenkoms van die jaar wat Saterdag, 5 Maart by Vaal de Grace in Orkney gehou is, was van hierdie atlete en onderwyseresse in skitterende vorm.

Hanru Brits (gr.12), Krynauw Brits (gr.10), Isak Hitge (gr.10) en me. Jolanda Rosin het almal eerste plekke in hul ouderdomsgroepe behaal.

Isak Hitge het aan die Duathlon Sprint (5 km hardloop, 20 km fietsry en 2.5 km hardloop) deelgeneem en Hanru, Krynauw, me. Jolanda Rosin en me. Surina Scholtz aan die Triathlon Sprint (750 m swem, 20 km fietsry en 5 km hardloop). Isak was algeheel tweede, Krynauw algeheel vierde, en Hanru algeheel vyfde, met me. Rosin algeheel eerste van die dames.