As daar twyfel was of die Luiperds gereed is om hulle Curriebeker Eerste Divisie titel te verdedig, is dit Vrydagmiddag (1 April) uit die weg geruim.
Die Luiperds het die Bulle met 29 – 27 in Potch gewen. Dit was baie goeie voorbereiding vir die Luiperds wat komende naweek hulle Eerste Divisie veldtog teen Grens afskop.
Die sterk vertoning veral in die skrums wys dat die regte personeel bygesit is, en dat Freddy Ngoza tot dusver goeie werk met die voorspelers doen. Hierdie seisoen is vir Eerste Divisie spanne baie belangrik omdat daar ń kans is om volgende jaar Curriebeker rugby te speel. Dit is waarskynlik die Luiperds se groot doelwit vir die seisoen. Die Griffons het die afgelope naweek ń honderdtal teen die Grens opgesit. Die Luiperds se eerste wedstryd is weg teen Grens op 9 April.
