‘n Oortreffende boulvertoning van die NWU het vir ‘n tweede sege vandag in die 2022 Varsity Kriekettoernooi met 88 lopies teen die Madibaz gesorg. Die NWU se draaier, Caleb Seleka het 5/10 in drie boulbeurte behaal om vir Madibaz vir ‘n skamele 61 uit te boul.
JP King (2/15) het goeie ondersteuning vir Seleka, ‘n voormalige Potchefstroom Gimnasium leerder.
Die NWU het eerste gekolf en daarin geslaag om 149/6 saam te stel. ‘n Belowende openingsvennootskap van 43 lopies tussen JP King (22 van 19) en Eben Botha (25 van 15) het die platform gelê, voor Hardus Coetzer se onoorwonne 25 die beurt afgesluit het.
Op die ou einde was dit meer as genoeg lopies om ‘n oorwinning te verseker danksy die vurige boulaanval.
At Caxton, we employ humans to generate daily fresh news, not AI intervention. Happy reading!
