Gimmies en Volkies in Noordwes krieketspanne opgeneem

Potchefstroom Gimnasium en Hoër Volkskool Potchefstroom se uitnemende krieketspelers is vir hulle goeie spel vanjaar vereer en is in onderskeie Noordwes Krieketspanne opgeneem

November 13, 2022

Wouter Pienaar 1 minute read

Martin Bullock (Gimmies) en Corné Prinsloo is twee spelers wat in die NW o.19 Khaya Majolaweek span opgeneem is.

Potchefstroom Gimnasium en Hoër Volkskool Potchefstroom se uitnemende krieketspelers is vir hulle goeie spel vanjaar vereer en is in onderskeie Noordwes Krieketspanne vir vanjaar se KSA Streeks-en Nasionale Weke opgeneem.

By die o.15’s is Gimmies se Juandré Barends, Braam Nel en Righardt Joubert opgeroep met Olefa Padi, Eduan van der Merwe en Lesedi Khumalo wat ook deel van die o.15’s uitmaak.

By o.16-vlak by Gimmies is Caiden Seleka en Tommie Botha en by Volkies is Themba Sontjane, Louis van Wyk en Attie Liebenberg opgeroep.

By die o.17-span is Gimmies se Ruan Lotz, Zavier van Rensburg en Marnu Cronjé gekies met Divan Coetzee van Volkies wat ook deel maak van die span.

Die groot kanonne van die o.19 Noordwes Khaya Majola-span is Volkies se lopiemasjiene, Corné Prinsloo, Ludwich Schuld, die snelbouler, Lunga May sowel as Gimmies se vuurvreter kolwer en draaier, Martin Bullock.