Twee oorwinnings, twee nederlae en hope krieketgroei is wat Hoër Volkskool Potchefstroom se o.15A krieketspan terugbring na hul toer na die Lance Klusener Krieketfees wat vanaf 6 tot 10 Januarie by Durban High School (DHS) plaasgevind het.

Volkies kom eerste teen KwaZulu-Natal se o.18 Hub-span te staan en verloor met sewe paaltjies. Volkies kolf eerste en kry 91 lopies teen ‘n sterk KZN-span. KZN Hub kry 94/3.

In die volgende wedstryde teen die gasheerskool, DHS, doen Volkies baie beter, maar verloor steeds met 39 lopies. DHS maak 135/3, maar Volkies se kolwers sukkel en word vir 96 in die lopiejaagtog uitgeboul.

Volkies proe oorwinning teen Ashton College na ‘n puik boul-en kolfvertoning. Ashton behaal slegs 89/7 met Volkies wat die teiken gemaklik behaal met 93/3.

In die laaste wedstryd teen Richards Bay o.16 Krieketakademie maak Volkies 143/8 nadat hulle eerste gebruik maak van die blad met die kolf. Theunis Nel slaan 47 (36).

Richards Bay Krieketakademie word beperk tot 78/9. Olefa Padi is die ster hier met syfers van 3/17 en sodoende wen Volkies met 65 lopies.