Twee van Potchefstroom Gimnasium se top atlete, Sandri van Rooyen en Sihle Mahlangu het saam met die Suid-Afrikaanse span top prestasies by die Afrika o.18 en o.20 atletiekkampioenskappe in Ndola, Zambië, behaal.

Van Rooyen behaal ‘n silwermedalje in die o.18 100m hekkies-item behaal, terwyl Mahlangu ‘n sesde plek in die o.18 seuns 400m behaal.

Janise Nell, die voormalige Volkie en tans NWU-stapper, behaal ook ‘n puik brons in die o.20 10 000m stap-item.

Nog ‘n Noordwester, Ewald Jansen van KHS, behaal goud in die seuns o.18 spiesgooi-item

Algeheel was dit ‘n fantastiese byeenkoms vir Suid-Afrika se top jong atlete, wat boaan die medaljelys met 66 medaljes (33 goud, 19 silwer en 14 brons) eindig.