Die Noordwes tweekampkampioenskappe het op Sondag 2 Februarie in Potchefstroom plaasgevind. Atlete het die hardloop by die Kenneth McArthur-stadion gedoen en in die Potchefstroomdam-oord swembad geswem.

Potchefstroom was goed verteenwoordig, met die Hoërskool en Laerskool NW Skole Tweekamptrofeë wat onderskeidelik aan Gimnasium Hoërskool en Laerskool Mooirivier toegeken is.

‘n Aantal goue medaljes is deur Potchefstroomse atlete verower. Meisies o.9 (Ava de Kock), seuns o.9 (Liam Heenop), Meisies o.11 (Millay de Kock), seuns o.11 (Fredrich Liebenberg), seuns o.13 (Jacques Hooghiemstra), seuns o.15 (Christiaan Liebenberg), meisies o.17 (Inneke Liebenberg), Meisies o.19 (Mathilda Liebenberg) en seuns o.19 (Pieter-Jacq du Toit).

Tweekamp is ‘n ware gesinssport, met baie ouers wat saam met hul kinders deelneem. Elmarie Engles, ‘n onderwyseres by Potchefstroom Sentraal, het die Dames 50+ ouderdomsgroep gewen, en Zoli de Kock het Dames 40+ gewen. Jaco Barnard was die wenner van Mans 40+

Die SA tweekampkampioenskappe vind op 21 en 22 Maart in Oudtshoorn plaas.