Gimmies steek eerste graaf vir nuwe Astro-hokkiebaan
Na bykans tien jaar se beplanning begin Gimmies se droom van ’n eie Astro-baan uiteindelik vorm aanneem.
Amper ‘n dekade se beplanning en harde werk het uiteindelik tot ‘n punt gekom.
Gimmies het op 15 Oktober ‘n sooi-spit sermonie gehou vir die Astro-hokkiebaan wat gebou gaan word.
Volgens Jacques Botes, hoof van sport by Gimmies, is planne vir die Astro al ongeveer 10 jaar in die pyplyn.
Die skool beplan om die projek teen Mei 2026 te voltooi. Die baan sal agter die rugby pawiljoene gebou word, wat Mooivallei in ‘n meer diverse sportgronde gaan verander.
“Hier sal uitnemende hokkie gespeel word; met karakter, toewyding en trots, ’n plek waar Potch se mense saamkom, en waar ons jong spelers sal groei tot nasionale en internasionale sterre. Dankie aan elkeen wat deel is van hierdie storie. Die beste lê nog voor,” het die skool in ‘n verklaring gesê.
