Volkies se eerste dogtershokkiespan het ‘n puik silwermedalje tydens die onlangse Fairtree Sportfees by Hoërskool Menlopark behaal.
Volkies het met 2-3 teen Menlopark in die eindstryd verloor, nadat hulle ‘n uitstekende reeks vertonings ingesit het. Dit sluit in ‘n 5-0 oorwinning teen Ben Vorster van Tzaneen en ‘n 2-0 oorwinning teen Hoërskool Zwartkop met 8-sekonde strafdoele.
“Ons was 2-0 agter in die eindstryd teen Menlo en het toe teruggeveg na 2-1. Menlo het dit 3-1 gemaak, en ons het met ses minute oor dit na 3-2 gekry, maar ons kon net nie die ekstra doel kry nie,” het Volkies se hokkiedirekteur, Jarryd Hammond, genoem.
Volkies se dogtershokkiespan gaan nou eerskomende Vrydag, 1 Mei in die NWU Prestigereeks vir goud kompeteer wanneer hulle teen Hoërskool Pietersburg op die NWU Astro te staan kom.
Uitslae vir Volkies se eerste dogtershokkiespan
- Verloor 2-3 teen Dr Malan
- Wen 5-0 teen Ben Vorster
- Wen 3-1 teen Ermelo
- Halfeindstryd: Wen 3-1 teen Zwartkop (8-sekonde strafdoele)
- Finaal: Verloor 2-3 teen Menlopark
